1.catetkeun rumpaka kawih sunda anu kungsi atawa anu keur populer di masarakat kiwari 2.Sebutkeun eusina, amanatna, sarta kamandang hideo kana eta rumpaka lagu

1. Salahsahiji kawih anu dipikawanoh nepi ka kiwari nyaeta kawih Es Lilin. Sanajan kawih Es Lilin teh kaasup kana kawih nu aya dina Jaman Jepang, nepi ka ayeuna kawih Es Lilin mangrupa kawih anu dipikawanoh boh ku urang Sunda boh ku lain urang Sunda. Di handap ieu nyaeta rumpaka kawih Es Lilin :

Es Lilin

Es lilin mah didorong-dorong

dibantun mah dibantun ka Sukajadi

abdi isin dunungan samar kaduga

sok inggis mah aduh henteu ngajadi

Es lilin mah ceuceu buatan Bandung

dicandak mah geuning ka Cipaganti

abdi isin jungjunan duh bararingung

sok inggis mah aduh henteu ngajadi

Itu saha dunungan nu nungtun munding

digantelan geuning ku saputangan

itu saha dunungan ku ginding teuing

sing horeng mah aduh geuning jungjunan

Es lilin mah ceuceu dikalapaan

raosna mah geuningan kabina-bina

abdi alim dunungan paduduaan

sok sieun mah dibantun kamana-mana

Kamana mah geuningan ngaitkeun kincir

ka kaler mah ka kaler katojo bulan

kamana mah dunungan ngaitkeun pikir

moal paler geuningan da ku sabulan

2. Anu dicaritakeun dina kawih Es Lilin teh nyaeta saurang wanoja anu mikacinta pisan ka saurang lalaki. Tapi, sanajan manehna mikacinta pisan ka eta lalaki, manehna bisa ngajaga harga dirina, nyaeta henteu wani bareng paduduaan sabab can jadi pamajikan anu geus resmi.

Amanat atawa eusi anu aya dina kawih Es Lilin nyaeta yen hiji wanoja kudu bisa ngajaga harga dirina. Sanajan mikacinta pisan ka hiji jajaka, hiji wanoja ulah sok wani bareng paduduaan jeung hiji jajaka umpama can jadi salaki pamajikan. Hiji wanoja oge kudu miboga rasa kasieun, nyaeta sieun di bawa ka mana-mana ku hiji jajaka anu lain salakina.

Rumpaka kawih Es Lilin siga dina sisindiran, nyaeta aya cangkang jeung aya eusi. Bisa kaciri yen rumpaka kawih Es Lilin mah henteu siga kawih kiwari anu bebas. Kawih Es Lilin rumpakana masih siga sisidniran anu miboga aturan.

Belajar lebih banyak tentang "Kawih" dalam bahasa Sunda di :

brainly.co.id/tugas/382562

brainly.co.id/tugas/3010047

brainly.co.id/tugas/11538576

Kategori Soal : Bahasa Sunda - Kawih Kelas : VIII (2 SMP) Kata Kunci : Kawih, rumpaka kawih, Es Lilin